Klikk her for ei utskriftsvenleg utgåve av sida!

Jolemarknad 2010

27.-28. november

Jolemarknad med særpreg

Opplev Telemarks største jolemarknad på Dyrskuplassen i Seljord

• Husflid og handverk
• Tradisjonsmat
• Kultur
• Dyr

Jolemarknaden på Dyrskuplassen er ei stemningsfull førjolsoppleving for heile familien, med handel av småskalaprodukt innan handverk- og mattradisjonar, aktivitetar og demonstrasjonar.

Vi har gleda av å invitere utstillarar og publikum til den 7. jolemarknaden på Dyrskuplassen. Jolemarknaden har hatt ei positiv utvikling og har blitt kjent både i og utanfor Telemarks grenser. Dei siste åra har vi samla 100 utstillarar og 3000 gjester.

TRADISJONSMAT

I Telemark veit ein å lage velsmakande tradisjonsmat. På marknaden kan du sjå og oppleve bakstekjerringane i full sving, få nyttige tips og idear til jolebaksten, smake på godsakene, fylle opp kakeboksen og sikre deg fleire godbitar av ekte, tradisjonell Telemarks-kost til jolebordet. God heimelaga jolemat kan ein setje seg ned og nyte både i Storstogo og i Husdyrhallen.

HUSFLID OG HANDVERK

Husflids- og handverksprodusentar samlast på Jolemarknaden for å by fram særeigne produkt til alle som er ute etter å finne spesielle jolegåver. Her kan ein sjå dyktige handverkarar utøve ulike handverk og hente inspirasjon. Ein kan også få prøve å lage noko sjølv! Vi har fleire joleverkstader der både små og store kan lage jolepynt og jolegåver.

KULTUR OG DYR

Både inne og ute kan ein kunne lytte til jolesong- og musikk. Nissemor vil lesa soger og joleforteljingar i Gongestogo. I Dyrskufjoset finn ein hestar, esel, lama og andre firbeinte. Har du lyst på ein ride- eller køyretur med hest, kan det bli det også! Laurdag skal nok ein gong det stemningsfulle fakkeltoget gå frå Seljord sentrum til Dyrskuplassen.

SALSUTSTILLARAR

Vi inviterer handverkarar og andre til å stille ut kvalitetsprodukt for sal under jolemarknaden. Vi har både ute- og innestandar. Til utestand nyttar vi båsane i Dyrskufjoset. Dei fungerer godt som utstillingsplass med golv, tak og tre vegger. Desse båsane er gratis, men ein må sende søknad på vanleg måte. Til innestandar nyttar vi Husdyrhallen som ligg vegg i vegg med Dyrskufjoset. Her set vi opp deleveggar i enkelt rammeverk som kan kledast med stoff.

Søknadsfrist 12. november

Utestand: Bås i det gamle Dyrskufjoset. Båsane er 2,4 m djupe 1,2 - 2,2 m breie.

Innestand: Husdyrhallen kr. 250,- pr m² ekskl. mva. Standane er 2 og 3 m djupe.

Opningstid kl. 11.00 – 17.00

Inngang:

Born under 6 år gratis

Born 6 – 15 år kr. 30,-

Vaksne frå 16 år kr. 70,-