Årets brurepar 2020

Vil du ha eit annleis bryllaup? Kva med å gifte seg på Dyrsku'n?

torsdag 19. desember 2019

Laurdag 12. september 2020 feirar vi bryllaup på Dyrsku’n. Det kan vere dykk som er det heldige brureparet!

I mange år har det blitt feira bryllaup på Sterke Nils-tunet laurdagen i Dyrsku’n, og no søkjer vi etter brurepar for 2020. Du kan velje om du vil gifte deg borgarleg eller kyrkjeleg, med smiing i Hymens lenker etter vigslinga.

Vi tilbyr eit godt planlagt bryllaup med privat bordsete etterpå, med ei fantastisk ramme kring den spesielle dagen dykkar. Å gifte seg på Dyrsku’n vil gjere dagen ekstra minnerik og unik.

Og til alle damer: har du tenkt på at det er skotår i 2020? Du treng ikkje vente på at mannen din skal fri, men ta grep om frieriet på eiga hand!

Å bli smidd i Hymens lenker er ein gammal tradisjon som fortsett blir praktisert i Gretna Green, Skottland. Hymen er guden for bryllaup og ekteskap i gresk mytologi og romersk religion, og seremonien er ei stadfesting på det løftet brureparet har gitt kvarandre i vigselen.

Brureparet i 2019, Linn-Therese og Hans-Martin, kan absolutt anbefale andre å gifte seg på Dyrsku'n. "Vi er kjempefornøyde med hele dagen, og det var utrolig morsomt å få være brudepar på Dyrsku'n. Det har skapt mange gode minner, og familie og venner snakker om bryllupet stadig. Å være brudepar på Dyrsku’n med så mange tilskuere var stor stas, vi følte oss spesielle og godt mottatt fra alle kanter. Vi var spente på hvordan vi ville reagere med så mange mennesker som skulle se på oss, men disse folka la vi ikke merke til. Vi var i vår egen boble under hele seremonien. Det var en utrolig hyggelig opplevelse og virkelig tradisjonsrikt".

  

Vil du ha ei annleis feiring av bryllaupet ditt? Send oss ein søknad på post@dyrskun.no innan 3. mars 2020 og fortel kvifor de har lyst å gifte dykk på Dyrsku’n.

Har du spørsmål? Ring oss gjerne på telefon 35 06 57 70!