Matkvartalet
På Dyrsku’n har vi stått rotfesta i norsk matkultur gjennom 150 år og vi er stolte over å presentere norske mattradisjonar og mangfaldet av norsk handverksmat frå heile landet. Vi byr på unike matopplevingar med program og aktivitetar som formidlar kunnskap og som inspirerer og engasjerer både små og store.
Lokalmat-teltet
Lokalmat-teltet byr på ei spennande reise i norsk handverksmat- og drikke. Her møter du lokalmat-produsentar, frå heile landet, som byr på unike produkt.
Gå på skattejakt og gjer deg kjent med mangfaldet i norsk lokalmat- og drikke, med mange prislønna produkt frå både nasjonale og internasjonale mat og drikke konkurransar.
I Lokalmat-kjøkkenet møter du dyktige kokkar som tryllar fram gode unike smakar med lokalmat frå produsentane i Lokalmat-teltet. Kokkane har ein lidenskap for norske råvarer og byr på spennande rettar, så gjer deg klar for inspirasjon og fantastiske smakar!
I Tradisjonsmat-kjøkkenet får du stifte nærare kjennskap til norske mattradisjonar og matkultur. Nokre av landets dyktigaste kokkar komponerer rettar med unike norske råvarer og produkt som fortener å bli løfta opp og inn i framtida. Resultatet av arbeidet kan du nyte gjennom ulike kulinariske rettar som står på menyen. Med på kjøpet får en kunnskap om produkta og rettane.
Årets tema er setersmør, og i Sterke Nils tunet får du nærare kjennskap til råvarene og lære meir om produksjonen frå ku til smør.
MATSKULE for born unge (ved Dalane skule). Geitmyra Matkultursenter med sine flotte folk, formidlar matkunnskap og matglede som inspirerer og skaper stort engasjement. På Matskulen får dei lære om ulike grønsaksplanter, smake på ulike delar av planta, og lære om korleis frø blir til plante og mat. Geitmyra stiller med kokkar som inviterer ungdom til å delta på inspirerande matkurs om korleis ein kan lage enkle, sunne og gode matrettar.
MAT-TUNET finn du utanfor Lokalmat-teltet
Her er det tilrettelagt for ein god rast ute i det fri og nyte eit godt måltid med serveringsmat direkte frå bonden, som stolt serverar ulike rettar av sine eigne råvarer. Bonden kan gje deg kunnskap om heile produksjonslinja frå råvare til ferdig rett.
ELDHUSET
I Elduset får du kjøpt den tradisjonsrike og legendariske heimelaga rjomegrauten frå Åmotsdal. Heile bygda er i sving for å kunne by Dyrskugjestene på grauten det gjeng gjetord om, og som mange «bare må ha» når ein er på Dyrsku’n.
STEINOMNEN innved Eldhuset
Dyrsku’n har ein eigen utandørs steinomn. Her steikast det ferske brød og søt gjærbakst under Dyrsku’n. Den nysteikt gjærbaksten smakar og luktar fortreffeleg og er lett å la seg freiste av.
STORSTOGO SERVERING
Storstogo servering byr på god heimelaga tradisjonsmat og drikke og har 500 sitteplassar.
SIDER OG ØLBAR finn du i Storstogo servering
I baren finn du eit utval av norsk handverksbryggeri som byr på øl og sider med og utan alkohol.
TettPå Stor og TettPå Liten
TettPå Stor og TettPå Liten – serverings- og programarena med mykje interessant programinnslag om mat og drikke.