Du finn trygg, norsk, lokalprodusera mat laga med kjærleik på Dyrsku'n.

Velkomen til barnas Dyrsku’n

Det er morosamt å vere barn på Dyrsku’n! Vi tilbyr eit vell av aktivitetar for både store og små. Kva med ponniriding, handverksaktivitetar, bli viking for ein dag og Tivoli?

På Dyrsku’n kan du velje og vrake i aktivitetar!

Aktivitetar Dyrsku’n 2023

Ponniriding og kjepphest

Aktivitetsstallen Furuheim/Klosterskogen inviterer til ponniriding og kjepp- hest på Ridebanen ved Husdyrhallen.

Lær om skogen og køyr hogstmaskin

På Skogtunet kan barna lære seg å spikke, gå spennande skogsti for å lære om skogen eller prøve ein simulator for hogstmaskin.

Geitmyra Matkultursenter

I gamle Dalane skule (i Matkvartalet) skal Geitmyra matkultursenter har matskule for barn.

  • Eta og lære om plantedelar: Her skal barn lære om ulike plantedelar og smake seg gjennom grønsaker fra rot til blom og frø. Barna går inn i den grøne portalen der dei møter eit mangfald av frukt og grønt, og får ta på, føle, sjå og lukte. Barna plukkar sin eigen “bukett” av gode smaksprøver undervegs
  • Frøbombe: Lage frøbomber med blomstrande frø med pollen og nektar som humler, bier og andre insekt treng for å overleve. I frøbombene  blandar vi like delar med leire og jord, tilsett litt vatn for å få den fuktig. Deretter formar vi små “golfballar” og rullar dei i bærblandinga og knar den, slik at frøa sit godt fast. Bie-blanding lager dei sjølv ved å blande frø som biene er glad i, for eksempel bogkveite, kornblom, ringblom, agurkurt, dill, koriander og honningurt.  Frøbombene blir tatt med heim, tørka og lagra gjennom vinteren. Til  våren finn dei ein plass der dei vil ha fine blomar, og kastar frøbomba ut på plassen.
  • Grønsakswok: Dei eldre barna kan få kutte og lage grønsakswok som dei får smake. Wok er ein fantastisk måte å bruke opp grønnsaker på og å tilføre nye smaker til barn og unge.

Bli viking for éin dag

I Vikingleiren kan du vere med Olavs Menn på vikingleikar, skyte med pil og boge, riste runar og sjå ekte sverdkamp. Vikingleiren finn du på Område E.

Lær om tradisjonell gardsdrift

På Sterke Nils-tunet kan barna sjå fjøsstell og mjølking av geiter, vere med på pussing og stell av fjordhest, smiing, toving, plantefarging og eplepressing.

Bli kjend med dyra

På Barnas Bondegard kan barna komme tett på høner, kaniner og andre husdyr. Dei minste dyra kan dei få kjæle og stelle med. Det er Nome vgs, avd. Søve som er til stades på arenaen. Her kan du òg treffe Norges Kaninhopperes Landsforbund som viser hinderhopp med kaniner. Du finn dyra rett ved Informasjonen.

Tivoli med pariserhjul

Lunds Tivoli kjem med eit heilt nytt, 40 meter høgt pariserhjul. Dei har òg med seg fire nye barnekarusellar med hoppande kenguruar og flygande elefantar, ein

ballongkarusell og ein liten tekoppkarusell. Her vert det morosamt for liten og stor!

Familieoppleving på Dyrsku’n

Husdyr er ein stor del av sjela til Dyrsku’n, og dyras rolle i norsk landbrukshistorie står i sentrum for mange av aktivitetane på messa. Her kan store og små helse på dyr i ulike situasjonar – på Sterke Nils-tunet, i Husdyrhallen, på Ridebanen eller i Fjoset.

Det blir husdyrutstilling, kåringar, kurs og mykje anna spennande å sjå og lære.
Dyrsku’n er ei oppleving for heile familien, og dyra er til glede for både vaksne og barn. På Sterke Nils-tunet møter du for eksempel dyra i eit gamalt gardsmiljø, der fòring og mjølking skjer på gamlemåten. I Husdyrhallen møter du dyra i eit moderne fjøs, med alt frå store seminoksar til små kyllingar. Det blir arrangert aktiviteter på alle plasser der gjestene aktivt får delta og lære ulike teknikkar og kunster i samband med dyr og landbruk. Kva med å fylgje matproduksjonen frå fjøs til bord? Å lære korleis det blir ysta ost og kinna smør? Alle barn får moglegheit til å vere med i prosessen. På Veslestaulen framfor inngangen til Fjoset vil det vere ekstra tilrettelagt for å få kose med dyra, og kanskje vere med og lage litt mat?

Kyr og kalvar, oksar, hestar og ponnier

Kort fortalt kan du møte alt frå kyr og kalvar, oksar, hestar og ponnier, høner og kyllingar, geiter og kje, gris, bier, kaninar og alpakka, pelsdyr og sauer. Ynskjer man av ein eller anna grunn ei lita pause frå dyra, kan barna ha det morosamt på tivoli, på matkurs eller på tredreie-verkstaden.

Vi på Dyrsku’n ynskjer alle familiar velkommen til å lære meir om kvar maten vår kjem frå, og kor avgjerande dyra har vore for norsk landbruk. Er du fortsatt usikker på bandet mellom Dyrsku’n og dyr? For å stoppe ein kvar tvil om relasjonen – sjølvaste dronninga av Dyrsku’n er ei ku!

Barnas Bondegard

Frå fjøs til fat – ei innføring for dei minste. På Barnas Bondegard kan barna lære meir om landbruket og kor maten vår kjem frå.

Arenaen så dagens ljos for fyrste gong i 2017, og er plassera midt i smørauget: rett ved Informasjonen.

Møtet mellom barn og dyr, og ikkje minst kunnskap om kor maten kjem frå, er viktige bodskap å formidle til dei yngste gjestene våre. Her er det lagt til rette for at barna skal få nærkontakt med dyra, og med eigen avdeling med mataktivitetar dei kan delta på.

Du møter kalv, geit, kanin og høner på Barnas Bondegard. Kom og test kunnskapen din om norske husdyr!

Dyrsku’n vil ta godt vare på dei minste gjestene våre, og har lagt til rette for dette på Dyrskuplassen.

Stellerom finn du på dei største toalettbygga, ammerom finn du i 2. etasje på Husdyrhallen.

Gjer deg godt kjent med kartet før du kjem, så slepp du å leite når behovet melder seg.

Åpne på egen side

Da kan du gå til informasjonen, som er møteplassen om man mistar dei vaksne man kom saman med.

Her vil vi hjelpe deg med å få tak i dei vaksne.

Borna har eit eige kart på Dyrsku’n slik at det skal være lett å orientere seg.

Last ned Bornas kart her

Åpne på egen side

Ja det er det, Dyrsku’n byr på mykje moro for born.

Det er morosamt å vera born på Dyrsku’n!

Her finner du oversikt over aktivitetar for både store og små.

Åpne på egen side

Noregs største tivoli, Lunds Tivoli kjem attende med karusellane sine. Her blir det garantert fart og moro!

Åpne på egen side

Dyrsku’n er ei oppleving for heile familien, og dyra er til glede for både vaksne og born.

På Dyrsku’n kan du velje og vrake i aktivitetar!

Les om dei ulike aktivitetane her.

 

 

Åpne på egen side