Utstilling av Amcar, veteran- og hobbykøyretøy – Premieutdeling
I samarbeid med Vest-Telemark Motorhistoriske klubb og Eagle Car Club Bø arrangerer vi utstilling av amcar, veteran- og hobbykøyretøy på Vårmarknaden, laurdag 09.00 – 16.00.
Her kjem du tett på bilane som lar seg imponere med blankpolera panser og fiffige detaljar. Kanskje vel du din favoritt, dommarane har valgt ut sine til premieringa kl 16.00.
Per Erik Langkaas og Skandinavias flottaste bil
Det ligg 4.000 timar med dedikasjon, handverk og lidenskap bak supervogna som nyleg vart kåra til Skandinavias flottaste bil. Per Erik Langkaas frå Bø kunne ikkje anna enn å smile breitt då hans 1931-modell Ford Coupe tok heim den gjevaste prisen under Oslo Motor Show i 2017.
Foto: Ronnie Krabberød
Heimelaga meisterverk
Bilen er eit unikt samansurium av originale delar og skreddarsydde komponentar. Lamper, seter, dashbord, grill og eksosanlegg er alle laga av Langkaas sjølv. Sjølv om ramma er original, er ho forsterka, og støydemparane har eit nostalgisk utsjånad med moderne teknologi under skalet.
Frå Minnesota til meisterverk
Eventyret starta i 2011 då Langkaas kjøpte bilen i Minnesota for rundt 90.000 kroner, inkludert alle avgifter. Bilen var original og urørt, men bar preg av tidens tann med litt rust og småskadar. Med godkjend søknad i handa, innleia han eit tett og konstruktivt samarbeid med det lokale Biltilsynet, og arbeidet med bilen tok for alvor til i 2013.
I verkstaden til bror Arnt har Langkaas lagt ned utallege timar med nøye planlegging og presist handverk. Han har mellom anna installert ein Chrysler Hemi-motor frå 1955, ei kraftpakke med åtte sylindrar og rundt 200 hestekrefter.
Resultatet er ein bil som ikkje berre skin av ytre eleganse, men også osar av personlegdom, kreativitet og ein dose skikkeleg norsk pågangsmot.