Ikkje alle veit at TINE er eit samvirke, eigd av den norske mjølkebonden. Det betyr at overskotet vårt går tilbake til bonden, som igjen sørgjer for trygg norsk matproduksjon – frå nord til sør i heile landet.
Når du løftar eit glas TINE-mjølk, løftar du også norsk sjølvforsyning. Kvar dag blir mjølk henta frå heile landet – uansett vêr – og foredla på eit tjuetals meieri som alle følgjer strenge kvalitetskrav. Resultatet er kortreist, trygg mat du kan stole på – og eit levande kulturlandskap. TINE-samvirket er ein stor gard, bygd opp av tusenvis av små. I lag investerer vi i dyrevelferd, teknologi og klimaløysingar som sikrar at neste generasjon også kan produsere mat i heile Noreg.
På Dyrsku’n møter du bøndene som står opp før soloppgang for at du skal få mjølk til kaffikoppen – og ost til kveldsmaten. Når du vitjar TINE-standen i Seljord, smakar du meir enn sjølve produktet. Du smakar fellesskapen, beredskapen og kjærleiken til norsk matproduksjon. For TINE handlar ikkje berre om mjølk
– det handlar om mattryggleik, arbeidsplassar og at det framleis skal bu folk der mjølka kjem frå. I lag skaper vi eit levande Noreg.
Bilete frå garden til Aslak Snarteland. Foto: Torstein Kiserud / TINE