Bli med og forme framtida til Dyrsku’n
Vil du få erfaring, bygge nettverk og faktisk vere med å påverke eit av Noregs største arrangement?
Dyrsku’n søker engasjerte ungdommar mellom 18 og 28 år som vil vere der det skjer – og vere med å utvikle framtida til arrangementet.
Vi ønskjer deg med interesse for eitt eller fleire av desse områda:
- mat / lokalmat
- husdyr
- anlegg / maskin / landbruk
- handverk / husflid / design
- kultur
- innovasjon / samfunn
Kvifor bli med i Dyrsku’n Ung?
Erfaring som tel
Du får praksis som du faktisk kan skrive på CV-en – alt frå mat og husdyr til teknologi, utvikling og organisasjonsarbeid.
Eit miljø der du blir høyrt
Du er ikkje berre med på møta – du påverkar framtida. Her får du delta i reelle avgjerder som handlar om alt frå program og mattilbod til nye satsingar.
Fellesskap og nettverk
Du blir del av eit sosialt og engasjert ungdomsmiljø, med folk som brenn for det same som deg.
Dette får du vere med på
- 5–7 møter i året
- Utvikling av Dyrsku’n
- Løna verv over 2 år
Dette er rollen for deg som vil gjere meir enn å sitje på sidelinja.
Bli med på laget – søk innan 18. mai!
Har du spørsmål?
Kontakt Dyrsku’n på tlf 35 06 57 70.
Søknaden skal sendast til marit@dyrskun.no.
