Tettpå-telta byr på eit tettpakka program. Målet er at publikum skal få komma tett på kulturen, naturen og saka.
– Kunnskapsformidling er sentralt for Dyrsku’n, både gjennom rotekte opplevingar, som møte mellom dyr og menneske, og foredrag og debattar om sentrale tema innan norsk landbruk. Sidan starten av Dyrsku’n har visjonen vore auka verdiskaping for norsk mat og landbruk, og kunnskap til både produsent og forbrukar er grunnleggande for å få til dette, siger Geir Helge Espedalen, administrerande direktør for Dyrsku’n. Tettpå-arenaen har blitt eit populært besøksmål for mange.
– Denne delen av Dyrskuprogrammet har vorte særs populært både blant publikum og ulike samarbeidspartnarar, som ynskjer å formidle kunnskap til publikum. Me håpar mange tek turen innom og får med seg ny kunnskap.
På arena TettPå Landbruket løftar vi fram viktige debattar, aktuelle tema og engasjerande føredrag om framtida for landbruket. Her møtest fagfolk, politikarar, bønder og andre som brenn for norsk matproduksjon og landbruk. Det blir også kultur og underhaldning.
Nytt av året er Tettpå MATEN – ein ny arena som blir fysisk kopla direkte saman med Lokalmat-teltet. Her inviterer vi publikum tettare på maten gjennom aktivitetar, korte kurs, demonstrasjonar, foredrag og smaksopplevingar.
I TettPå Stor går den årlege Dyrskukonferansen av stabelen.