Ikkje berre slepp du å køyre bil sjølv, men du sparar miljøet for forureining med å køyre kollektivt. I tillegg slepp du å bruke tid på å parkere bilen sjølv ved Dyrskuplassen.
Seljord sentrum er eit trafikknutepunkt med bussekspress og god kommunikasjon med sentrale plassar som Skien, Oslo, Bergen og Torp.
Lokalbussar og regionbuss R1 mellom Skien og Seljord køyrast av Farte/Vy med billettpris frå kr 73,-. Sjekk Farte.no for rutetider og prisar.
Frå Torp reiser du fyrst med tog frå Torp stasjon til Skien og deretter med regionbuss R1 frå Skien til Seljord.
Haukeliekspressen køyrer mellom Bergen/Haugesund og Oslo, og stoppar i Seljord. Sjå tider og prisar hos Nor-Way Bussekspress.
Busshaldeplassen, Seljord skysstasjon, ligg i utkanten av Seljord sentrum, ved E134 (rett ved Rema 1000). For å kome til Dyrskuplassen må du gå forbi Rema 1000, mot Europris, og ta til venstre på vegen (Steinsrudvegen). Fylgj denna vegen til neste kryss der du tar til venstre. Fylgj skilting mot inngang på Dyrsku-plassen (Tivoli-inngangen) på grusveg langs elva. Det er ca. 1 km å gå frå Seljord skysstasjon til Tivoli-inngangen på Dyrskuplassen. Sjå kart under.
Shuttlebuss under Dyrsku’n
Det går shuttlebuss mellom Seljord Næringspark og Nordgardsporten. I tillegg går Dyrskubussen mellom Seljord Camping og Dyrskuplassen.
Dyrskubussen køyrer kontinuerleg fredag og laurdag kl. 09.00–20.00, og sundag kl. 09.00–17.00.
Rute: Seljord Camping – Skysstasjonen – via næringsparken – Dyrskuplassen – Nordbygdivegen/gatestopp sentrum – Skysstasjonen – Seljord Camping.
